O vindeiro día 21 de abril ás 12:00 horas abrirá a II Festa do Viño de Negueira de Muñiz, coa presencia dunha ducia de adegas da bisbarra que poñerán a degustación do público asistente as elaboracións do ano 2011. Apoian o evento o Concello de Negueira de Muñiz e a Deputación Povincial, a organizaicón corre por parte da Asociación para a Defensa das Variedades Autóctonas e Viñedos da Ribeira do Río Navia e coa colaboración da Asociación Galega de Viticultura e Federación Rural Galega FRUGA. Contarase para ler o pregón de apertura con Pepe Rodríguez, empresario con longa experiencia no sector do viño galego.
O pregoeiro está ligado á comarca do Navia por estar casada cunha fonsagradina e xa desde os anos 80 probar os viños a Negueira no tradicional Cacho, a śua experiencia no sector comeza no ano 89 cando funda Viñedos Torroxal, xérmolo da mundialmente coñecida como Terras Gauda do Rosal, noa no 95 dirixe a creación de Adegas Galegas e o Grupo Galiciano que foi pioneiro no panorama galego no que respecta a expandirse fora das nosas fronteiras, desta iniciativa sairon viños como Veigadares e Pedro Soutomaior de Rías Baixas, Dia e Noite de Valdeorras e viños do Bierzo, Fontes de Ropel en León e Clos dels Cododols na DO Monsant de Tarragona. Tamén ten participado en innúmeras conferencias e taboas redondas por todo o Estado e no estranxeiro como a Universidade de Puerto Rico, Borgoña (Beaune) e Burdeos (Saint Emilión), nestes últimos caso investido como cabaleiro.